COLAPHI

COLAPHI

Iudaeorum, ignominiae genus, quô Iudaei olim in Urbibus Christianorum passim afficiebantur, ut idem, quod Domino nostro fecerunt, ipsi paterentur, aut exsolutô triburô hanc molestiam redimerent: cuius colaphizationis originem pluribus indicat Auctor Vitoe S. Theodardi Archiepiscopi Narbonens. apud Catellum, Rerum Occitanic. l. 3. ubi inter alia Chartam quoque exhibet Amelii Episcopi Tolosani, in qua ista habentur: Leddam etiam, quam a festivitate omnium Sanctorum ad Festum B. Saturnini --- pro Colapho Iudaeorum datam iniuste Canonicis auferebat, absolvo, reddo, dimitto Clericis S. Saturnini proesentibus et futuris. Apud eundem remittit Guilielmus Episcopus Biterrensis A. C. 1160. Iudaeis in urbe Biterris commorantibus, illum impetum et insultum et lapidationis bellum, quod incolae Iudaeis facere solebant, a prima hora diei Sabbathi ante Ramos palmarum, usque ad extremam horam secundoe serioe post Pascha, die vel nocte, por ducentis solidis Melgorensibus, quos a Iudaeis accepisse se fatetur, etc. Cat. du Fresne, Glossar.